පන්දුවාර 20-20 ලෝක කුසලාන තරගාවලියේ දකුණු අප්‍රිකානු කණ්ඩායම සහ බටහිර ඉන්දීය කොදෙව් කණ්ඩායම අතර අද (24) පැවති තරගයෙන් ජය ලැබීමට දකුණු අප්‍රිකානු කණ්ඩායම සමත් වුණා.
ඒ අනුව අවසන් පූර්ව වටයට පිවිසීමට දකුණු අප්‍රිකානු කණ්ඩායමට අද හැකියාව ලැබුණා.
කොදෙව්වන් පරාජය කරමින් දකුණු අප්‍රිකාව මෙම තරගය ඩක්වත් ලුවිස් න්‍යායට අනුව කඩුලු 03කින් ජයගත් අතර ඒ අනුව ඉන්දීය කොදෙව්වන්ට මෙවර 20-20 ලෝක කුසලානයෙන් ඉවත්වීමට සිදුවනවා.
ඒ අනුව Group 1 කාණ්ඩයෙන් දකුණු අප්‍රිකාව සමඟ එංගලන්තය අවසන් පූර්ව වටය සඳහා සුදුසුකම් ලබා සිටිනවා.