මීට දින 15 කට පමණ පෙර ආගිය අතක් නොමැතිව සිටි තිදරු පියෙකුගේ මළ සිරුරක් නාගොඩ වෙල් යායක තිබී හමුව තිබෙනවා.
කළුතර දකුණ පොලිසිය පැවසුවේ මෙලෙස මියගොස් ඇත්තේ අගලවත්ත, හැළඹ ප්‍රදේශයේ පදිංචිව සිටි පී.එච්. සිරිසේන නමැති 82 හැවිරිදි සිව්දරු පියෙකු බවයි.
මියගොස් ඇති පුද්ගලයාගේ ළඟම ඥාතීන් විසින් මෘත දේහය හඳුනාගෙන ඇති බවයි පොලිසිය පැවසුවේ.
මෙම පුද්ගලයා කළුතර ශික්ෂණ රෝහලේ නේවාසිකව ප්‍රතිකාර ලබමින් සිට ඇති අතර ඉන්පසුව මොහු අතුරුදහන් බවට ඔහුගේ ඥාතීන් විසින් කළුතර දකුණ පොලිසියට පැමිණිල්ලක් ඉදිරිපත් කර තිබෙනවා.
සිද්ධිය සම්බන්ධයෙන් කළුතර දකුණ පොලිසිය වැඩිදුර පරීක්ෂණ පවත්වනු ලබනවා.