ව්යාජ මුදල් නෝට්ටු මුද්රණය කළ පාසල් සිසුවෙකු හා සැකකරුවන් දෙදෙනෙක් තඹුත්තේගම පොලීසිය විසින් අද (26) අත්අඩංගුවට ගෙන තිබෙනවා.
ඊයේ තඹුත්තේගම නගරයේදී ව්යාජ රුපියල් 500 නෝට්ටු 06ක් සමඟ අත්අඩංගුවට ගත් සැකකරුගෙන් ලද තොරතුරකට අනුවයි මොවුන් තිදෙනා අත්අඩංගුවට ගෙන ඇත්තේ.
සැකකරුවන් සන්තකයේ තිබී මුද්රණය කළ ව්යාජ රුපියල් 5000 නෝට්ටු 08ක්, 500 නෝට්ටු 149 ක් සමඟ ලැප්ටොප් පරිගණකයක්, වර්ණ මුද්රණ යන්ත්රයක්, මෙමරි චිප් එකක් අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ හෙට්ටිපොල පොලිස් වසමේ පඩුවස්නුවර හා හෙට්ටිපොල ප්රදේශයේ පදිංචිකරුවන් බවයි පොලීසිය පවසන්නේ.
සැකකරුවන් තඹුත්තේගම ගරු මහේස්ත්රාත් අධිකරණය වෙත ඉදිරිපත් කිරීමට නියමිතයි.
සිද්ධිය සම්බන්ධයෙන් තඹුත්තේගම පොලීසිය වැඩිදුර විමර්ශන සිදුකරනු ලබනවා.
