මේ රටට අවශ්‍ය බෙදන හෝ කයිවාරු ගහන නායකයන් නොවන බවත් නිවැරදි තීන්දු තීරණ ගත හැකි නායකත්වයක් අද රටට ලැබී ඇති බවත් විදුලිබල හා බලශක්ති අමාත්‍ය කංචන විජේසේකර පවසනවා.
අමාත්‍යවරයා මේ බව සඳහන් කළේ ඊයේ (30) මාතර පැවති ජන හමුවකට එක්වෙමිනි.
එහිදී වැඩිදුරටත් අදහස් දක්වමින් අමාත්‍යවරයා කියා සිටියේ පසුගිය වසර දෙක පුරා අභියෝග රැසකට අප මුහුණ දුන් බවත් ඒ අවස්ථාවේදී දේශපාලනය කිරීම වෙනුවට තමන් ජනාධිපති රනිල් වික්‍රමසිංහ සමඟ රට ඉදිරියට ගෙන යෑමට එක් වූ බවත්ය.
එමෙන්ම ජනාධිපති රනිල් වික්‍රමසිංහ අභියෝග බාරගෙන වසර දෙකක් ඇතුළත රට ඉදිරියට ගෙන ආ බව පැවසූ අමාත්‍යවරයා අවධාරණය කළේ ඉදිරි මැතිවරණවලදී කතාවට පමණක් සීමා වූ නායකයන් පත් කර නොගත යුතු බවයි.
මේ රටට අවශ්‍ය බෙදන හෝ කයිවාරු ගහන නායකයන් නොවන බවත් ජනතාව වෙනුවෙන් නිවැරදි තීන්දු තීරණ ගත හැකි නායකත්වයක් රටට අවශ්‍ය බවත් එවැනි නායකත්වයක් අද රටට ලැබී ඇති බවත් අමාත්‍යවරයා එහිදී කියා සිටියා.