කඩුගන්නාව සහ පිළිමතලාව දුම්රිය ස්ථාන අතර දුම්රිය මාර්ගයේදී දුම්රියක ගැටීමෙන් පුද්ගලයෙකු මිය ගොස් තිබෙනවා.
කඩුගන්නාව පොලිසිය පැවසුවේ ඊයේ (3) පස්වරුවේ මෙම අනතුර සිදුව ඇති බවයි.
මෙලෙස මියගොස් ඇත්තේ අරණායක ප්‍රදේශයේ පදිංචි 53 හැවිරිදි පුද්ගලයෙක් බවයි අනාවරණය වී ඇත්තේ.
කොළඹ සිට බදුල්ල බලා ධාවනය වූ දුම්රියක ගැටීමෙන් ඔහු ජීවිතක්ෂයට පත්ව ඇති බවයි පොලිසිය පැවසුවේ.
මියගිය පුද්ගලයාගේ දේහය පේරාදෙණිය රෝහලේ තැන්පත් කර ඇති අතර කඩුගන්නාව පොලිසිය සිද්ධිය සම්බන්ධයෙන් වැඩිදුර පරීක්ෂණ පවත්වනු ලබනවා.