සුදු ඉර මතින් පාර මාරු වූ පදිකයින් දෙදෙනෙක් අද (12) නුවරඑළිය මහ නගර සභාවේ ගලි බවුසරයකට යට වී බරපතල ලෙස තුවාල ලබා තිබෙනවා.
පොලීසිය පැවසුවේ නුවරඑළිය මූලස්ථානය ඉදිරිපිටදී මෙම අනතුර සිදුව ඇති අතර ඉන් බරපතල ලෙස තුවාල ලැබූ දෙදෙනා නුවරඑළිය දිස්ත්‍රික් මහ රෝහල වෙත ඇතුලත් කර ඇති බවයි.
නුවරඑළිය, හාවාඑළිය ප්‍රදේශයේ සිට නුවරඑළිය මහ නගර සභාව දක්වා අධික වේගයෙන් ධාවනය කර ඇති මෙම බවුසරය නුවරඑළිය දිස්ත්‍රික් ලේකම් කාර්යාල මාර්ගයේ ගාල් කර තිබු මොටර් රථයකද ගැටී පදිකයින් දෙදෙනා යට කරගෙන විත් ප්‍රධාන මාර්ගය අභියස පිහිටි පැති බැම්මක ගැටී නතර වී තිබෙනවා.
අනතුරෙන් ගලි බවුසරයට දැඩි අලාභ හානි සිදු වී ඇති අතර පොලීසිය පැවසුවෙ බවුසර් රථයේ හටගත් කාර්මික දෝෂයක් මෙම අනතුරට හේතු වී ඇති බවයි.
කෙසේනමුත් අනතුර සම්බන්ධයෙන් බවුසර් රථයේ රියදුරු නුවරඑළිය පොලිසිය විසින් අත්අඩංගුවට ගෙන තිබෙනවා.