පාර්ලිමේන්තු මන්ත්‍රී තිස්ස අත්තනායක ගමන් ගත් සුඛෝපභෝගී ජීප් රථය අනතුරකට ලක් ව තිබෙනවා.
අද (18) පෙරවරුවේ මන්ත්‍රීවරයා ගමන් ගත් සුඛෝපභෝගී ජීප් රථය ජාවත්ත මාර්ගයේ සළුසල ඉදිරිපිට දී මෙලෙස අනතුරට ලක්ව ඇති බවයි වාර්තා වන්නේ.
මන්ත්‍රීවරයා ගමන් ගත් ජීප් රථය තවත් මෝටර් රථයක මුහුණට මුහුණ ගැටීමෙන් මෙම අනතුර සිදුව ඇති අතර මන්ත්‍රීවරයා ඇතුළු තිදෙනෙක් මින් තුවාල ලබා තිබෙනවා.
තුවාල ලැබූවන් මේ වනවිට නාරාහේන්පිට පෞද්ගලික රෝහලකට ඇතුළත් කර ඇති බවයි වාර්තා වන්නේ.