2024 ආසියානු කුසලාන කාන්තා ක්‍රිකට් තරගාවලිය අද (19) ඇරඹෙනවා.
මෙවර තරගාවලියේ සත්කාරකත්වය ශ්‍රී ලංකාව දරනු ලබනවා.
මෙම තරගාවලියට A හා B ලෙසින් කණ්ඩායම් 8ක් එක් වනවා.
ඉන්දියාව, නේපාලය, පාකිස්ථානය සහ එක්සත් අරාබි එමීර් රාජ්‍යය A කාණ්ඩය නියෝජනය කරනු ලබන අතර B කාණ්ඩය නියෝජනය කරමින් බංග්ලාදේශය, ශ්‍රී ලංකාව, මැලේසියාව සහ තායිලන්තය තරග වදිනවා.
අද පළමු තරගය රංගිරි දඹුලු ක්‍රීඩාංගණයේදී නේපාල කාන්තා කණ්ඩායම සහ එක්සත් අරාබි එමීර් රාජ්‍යය අතර පැවැත්වෙනවා.
එහි දෙවැනි තරගය අද පස්වරුවේ ඉන්දියාව සහ පාකිස්ථානය අතර පැවැත්වෙනවා.
ශ්‍රී ලංකාව සහභාගී වන පළමු තරගය බංග්ලාදේශයට එරෙහිව හෙට (20) රාත්‍රියේ පැවැත්වීමට නියමිතයි.