කරන්දෙණියේ කුරුඳු ඉඩමක තිබී අබිරහස් ලෙස මියගිය පුද්ගලයෙකුගේ මළ සිරුරක් සොයාගෙන තිබෙනවා.
පොලීසිය පැවසුවේ කරන්දෙණිය – අනුරුද්ධගම පදිංචි අයෙක් මෙලෙස ජීවිතක්ෂයට පත්ව ඇති බවයි.
මෙම පුද්ගලයා ඊයේ (21) අදාළ කුරුඳු ඉඩම සුද්ද පවිත්‍ර කර, උදලු ගෑම සඳහා පැමිණ ඇති බවයි අනාවරණය වී ඇත්තේ.
සිද්ධිය සම්බන්ධයෙන් කුරුඳු ඉඩමේ හිමිකරු විසින් පොලීසියට ප්‍රකාශයක් ලබාදෙමින් පවසා ඇත්තේ මෙම මියගිය තැනැත්තා ඊයේ දිනයේදී සිය කුරුඳු ඉඩම උදලු ගෑමට පැමිණි අයෙක් බවයි.
මෙම පුද්ගලයාගේ හිසෙහි සහ අත්වල තුවාල දක්නට ලැබෙන අතර පශ්චාත් මරණ පරීක්ෂණය සඳහා මෘත ශරීරය බලපිටිය මූලික රෝහලට ඇතුළත් කර තිබෙනවා.