සයින්දමරුදු ප්‍රදේශයේදී යකඩ පොල්ලකින් පහර දී පුද්ගලයෙකු ඝාතනය කර තිබෙනවා.
පොලීසිය පැවසුවේ මෙලෙස මියගොස් ඇත්තේ එම ප්‍රදේශයේම පදිංචි 66 හැවිරිදි පුද්ගලයෙක් බවයි.
මියගිය පුද්ගලයාගේ පුද්ගලයාගේ දියණිය ඇයගේ ස්වාමිපුරුෂයාගෙන් වසර 08 කට පෙර වෙන් වී තිබූ අතර ඔහු ඊයේ (21) අනවසරයෙන් නිවසේ තාප්පයෙන් පැන නිවසට ඇතුළුවීමට උත්සාහ දරා තිබෙනවා.
එම අවස්ථාවේදී ඇති වූ බහින්බස්වීමක් දුරදිග යාමෙන් මෙම පුද්ගලයා විසින් දියණියගේ පියාට යකඩ පොල්ලකින් පහර දී ඇති බවයි අනාවරණය වී ඇත්තේ.
ඉන් බරපතළ තුවාල ලැබූ පියා රෝහල්ගත කිරීමේදී ජීවිතක්ෂයට පත්ව තිබෙනවා.
ඝාතනය සිදුකළ තැනැත්තා සහ ඊට අනුබල දුන් තවත් පුද්ගලයන් සිව්දෙනෙකු අත්අඩංගුවට ගත් බවයි පොලීසිය පැවසුවේ.
සිද්ධිය සම්බන්ධයෙන් සයින්දමරුදු පොලීසිය වැඩිදුර විමර්ශන සිදුකරනු ලබනවා.