තාවකාලික රියදුරු බලපත්‍රයක් ඇති වාහන රියදුරන්ට ස්ථිර රියදුරු බලපත්‍ර කාඩ්පත් නිකුත් කිරීමට මේ වසරේ සැප්තැම්බර් හෝ ඔක්තෝබර් මාසයේ සිට කටයුතු කරන බව මෝටර් රථ ප්‍රවාහන දෙපාර්තමේන්තුව පවසනවා.
එහි කොමසාරිස් ජනරාල් අනුරුද්ධ වීරසිංහ පැවසුවේ ආර්ථික අර්බුදය තුළ රියදුරු බලපත්‍ර කාඩ්පත් ආනයනය කිරීමේදී ඇති වූ ගැටලු හේතුවෙන් ස්ථිර රියදුරු බලපත්‍ර කාඩ්පත් නිකුත් කිරීමට නොහැකි වූ බවයි.
ඒ අනුව ලක්ෂ 8කට ආසන්න ප්‍රමාණයකට රියදුරු බලපත් කාඩ්පත් නිකුත් කිරීම වෙනුවට තාවකාලික මුද්‍රිත පත්‍රිකාවක් දීමට සිදුවූ බවයි ඔහු කියා සිටියේ.
කෙසේවෙතත් මේ වනවිට අවශ්‍ය කාඩ් ආනයනය කර ඇති අතර නව රියදුරු බලපත්‍ර සහ අලුත් කිරීම් සඳහා රියදුරු බලපත්‍ර මුද්‍රණය කළ යුතු බවත් ඔහු පවසනවා.