තැපැල් දෙපාර්තමේන්තුව විසින් ජනාධිපතිවරණයේ වියදම් පුරෝකථනය කරමින් රුපියල් බිලියන 1.4ක ඇස්තමේන්තුවක් මැතිවරණ කොමිසම වෙත යොමු කර තිබෙනවා.
කෙසේනමුත් නියෝජ්‍ය තැපැල්පති රාජිත රණසිංහ පවසන්නේ මෙම ඇස්තමේන්තුව පුරෝකථනයක් පමණක් බැවින් ඉල්ලුම් කළ මුදල් ප්‍රමාණය වෙනස් වීමේ හැකියාවක් පවතින බවයි.
සාමාන්‍ය තැපැල් ගාස්තු, ලියාපදිංචි තැපැල් ගාස්තු, ලිපිද්‍රව්‍ය සඳහා වියදම්, ප්‍රවාහන වියදම් සහ පරිපාලන ගාස්තු ආදිය ඇතුළු වියදම් රැසක් සලකා බලමින් මෙම ඇස්තමේන්තුව සකස් කර තිබෙනවා.