අවිස්සාවේල්ල ප්‍රදේශයේ දිය වළක ගිලීමෙන් 17 හැවිරිදි පාසල් සිසුවෙක් ඊයේ (28) පස්වරුවේ ජීවිතක්ෂයට පත්ව තිබෙනවා.
මෙලෙස ජීවිතක්ෂයට පත්ව ඇත්තේ කහතුඩුව, පොල්ගස්ඕවිට, පාලගම පදිංචිව සිටි ජේ. ඒ. ඩී. සෙව්මිණ නම් සිසුවෙක් බවයි පොලීසිය පවසන්නේ.
ජීවිතක්ෂයට පත් වූ සිසුවා ඇතුළු පිරිසක් ඊයේ නාච්චිමල ඇලේ, ගෝනවල ප්‍රදේශයේ දිය වළක දිය නෑමට ගොස් ඇති අතර එහිදීයි සිසුවා මෙම අවසනාවන්ත ඉරණමට මුහුණ දී ඇත්තේ.
මියගිය සිසුවාගේ මෘත දේහය පශ්චාත් මරණ පරීක්ෂණය සඳහා රත්නපුර මූලික රෝහලේ තැන්පත් කර තිබෙනවා.