වත්තල, මාටාගොඩ ප්‍රදේශයේ නිවසක ඇති වූ ගින්නෙන් පුද්ගලයෙක් ජීවිතක්ෂයට පත්ව තිබෙනවා.
පොලීසිය පැවසුවේ ඊයේ (29) රාත්‍රියේ මෙම ගින්න හටගෙන තිබූ අතර අදාළ තෙමහල් නිවසේ දෙවැනි මහලේ පිහිටි කාමරයක් තුළ පුද්ගලයෙක් පිළිස්සුම් තුවාල සහිතව මියගොස් සිටියදී සොයාගත් බවත්ය.
මෙලෙස ජීවිතක්ෂයට පත්ව ඇත්තේ වයස අවුරුදු 90ක පුද්ගලයෙක්.
වැඩිදුර විමර්ශනවලදී අනාවරණය වී ඇත්තේ මෙම පුද්ගලයා පමණක් නිවසේ තනිව රැඳී සිට ඇති බවත් ඔහුගේ බිරිඳ මීට දින කිහිපයකට පෙර රත්නපුර ප්‍රදේශයේ පිහිටි දියණියගේ නිවස වෙත ගොස් ඇති බවත්ය.
ගින්න ඇතිවීමට හේතුව මෙතෙක් අනාවරණය වී නැහැ.
සිද්ධිය සම්බන්ධයෙන් වත්තල පොලිසිය වැඩිදුර පරීක්ෂණ සිදුකරනු ලබනවා.