යුරෝපයේ සැඟව සිටින පාතාල කල්ලි නායක කංජිපානි ඉම්රාන් සහ ඩුබායි රාජ්‍යයේ සැඟවී සිටින ලොකු පැටී හෙවත් රොටුබේ අමිල එරට පොලිස් අත්අඩංගුවට පත්ව ඇති බව වාර්තා වනවා.
මෙරට ජාතික පුවත්පතක් වාර්තා කරන්නේ ප්‍රංශය හරහා බෙලරුස් වෙත පලා යාමට උත්සාහ කිරීමේදී කංජිපානි ඉම්රාන්ව අත්අඩංගුවට ගෙන ඇති බවයි.
කෙසේනමුත් කංජිපානිගේ සමීපතමයෙකු වන ලොකු පැටීව ද ඩුබායි පොලිසිය විසින් අත්අඩංගුවට ගෙන ඇති බව වාර්තා වනවා.
කංජිපානි ඉම්රාන් සහ ලොකු පැටී ජූලි මස 08 වැනිදා මෙරට සුප්‍රසිද්ධ ව්‍යාපාරික ක්ලබ් වසන්ත නොහොත් සුරේන්ද්‍ර වසන්ත පෙරේරා ඝාතනය කිරීමේ සිද්ධියේ මහ මොළකරුවන් ලෙසයි සැලකෙන්නේ.