කේරළයේ වයනාඩ් ප්‍රාන්තයේ සිදුවූ දැවැන්ත නායයාම හේතුවෙන් ශ්‍රී ලාංකික දෙමළ ජාතිකයින් දෙදෙනෙකු මියගොස් ඇති බව නැගෙනහිර පළාත් ආණ්ඩුකාර සෙන්දිල් තොණ්ඩමන් පවසනවා.
සිය නිල ෆේස්බුක් පිටුවේ සටහනක් තබමින් ආණ්ඩුකාරවරයා මේ බව සඳහන් කළා.
කේරළ ප්‍රාන්තයේ සිදුවූ නායයෑමෙන් මියගිය සංඛ්‍යාව 166 දක්වා ඉහළ ගොස් ඇති අතර තුවාල ලැබූ සංඛ්‍යාව 200කට අධිකයි.
එමෙන්ම පුද්ගලයින් 180 දෙනෙකු පමණ අතුරුදන්ව සිටින බවයි ඉන්දීය මාධ්‍ය වාර්තා කරන්නේ.
නැගෙනහිර පළාත් ආණ්ඩුකාරවරයා පැවසුවේ මියගිය අය අතර ශ්‍රී ලාංකික දෙමළ ජාතිකයන් දෙදෙනෙකු සිටින බවයි.