වැල්ලවාය, ගම්පංගුව රක්ෂිතයේ ගින්නක් හටගෙන තිබෙනවා.
මෙම ගින්නෙන් රක්ෂිතයේ අක්කර පහළොවකට වඩා ප්‍රමාණයක් ගිනිගෙන විනාශ වී ඇති බවයි වාර්තා වන්නේ.
අප ප්‍රාදේශීය වාර්තාකරු පැවසුවේ ඊයේ (31) පස්වරුවේ හටගත් ගින්න
තවදුරටත් වර්ධනය වෙමින් පවතින බවයි.
වන සංරක්ෂණ නිලධාරීන් සැක පළ කරන්නේ කිසියම් පුද්ගලයකු විසින් රක්ෂිතයට ගිනි තබන්නට ඇති බවයි.
මෙම ගින්නෙන් රක්ෂිතයේ තිබූ ඉපැරණි ශාක රැසක් විනාශ වී ඇති අතර වන සතුන් රැසක් මියගොස් ඇති බවයි වාර්තා වන්නේ.