ක්ලබ් වසන්ත ඝාතනයේ සැකකරුවන් 10 දෙනා එළඹෙන 20 වැනිදා දක්වා රක්ෂිත බන්ධනාගාරගත කිරීමට අධිකරණය අද (05) නියෝග කළා.
මෙම සැකකරුවන් දස දෙනා අද (05) පෙරවරුවේ දැඩි පොලිස් රැකවල් මැද කඩුවෙල මහේස්ත්‍රාත් අධිකරණ සංකීර්ණයට රැගෙනවිත් තිබුණා.
අදාළ නඩුව සම්බන්ධයෙන් බස්නාහිර දකුණ අපරාධ කොට්ඨාසයේ ස්ථානාධිපතිවරයා, නීතිපති දෙපාර්තමේන්තුව සහ ඝාතනයට ලක් වූ සුරේන්ද්ර වසන්ත පෙරේරාගේ පුතු සහ ඔහුගේ දේහය භාරගත් තැනැත්තා නීති කෘත්‍යය සඳහා අධිකරණයේ පෙනී සිටියා.
ක්ලබ් වසන්ත ඇතුළු දෙදෙනෙකුට මරු කැඳවූ අතුරුගිරි වෙඩිතැබීමේ සිද්ධියට සම්බන්ධ සැකකරුවන් තිදෙනෙකු අත්අඩංගුවට ගැනීම සඳහා පොලීසිය මහජන සහාය ද පතනවා.
ඉකුත් ජූලි 8 වැනිදා අතුරුගිරියේ ටැටූ මධ්‍යස්ථානයක් තුළ දී වෙඩි තබා ක්ලබ් වසන්ත සහ තවත් අයෙකු ඝාතනය කරනු ලැබූ අතර එම වෙඩි තැබීමෙන් තවත් සිව්දෙනෙකු බරපතළ තුවාල ලැබුවා.