හරීන් ප්‍රනාන්දු සහ මනූෂ නානායක්කාර පක්ෂ සාමාජිකත්වයෙන් ඉවත් කිරීමට සමගි ජන බලවේගය ගත් තීරණය නීත්‍යානුකූල බව මහාධිකරණය තීන්දු කර තිබෙනවා.
මොවුන් දෙදෙනාගේ පක්ෂ සාමාජිකත්වය පසුගිය වසරේ මැයි 20 වැනිදා අහෝසි කරනු ලැබුවා.
ඒ ඔවුන් දෙදෙනා ජනාධිපති රනිල් වික්‍රමසිංහගේ ආණ්ඩුවේ අමාත්‍ය ධුර ලබාගැනීම හේතුවෙන්.
ඉන් අනතුරුව හරින් ප්‍රනාන්දු සංචාරක හා ක්‍රීඩා අමාත්‍යවරයා ලෙසත් මනූෂ නානායක්කාව කම්කරු සහ විදේශ රැකියා අමාත්‍යවරයා ලෙසත් පත් කරනු ලැබුවා.
කෙසේනමුත් සමගි ජන බලවේගයෙන් සිය පක්ෂ සාමාජිකත්වය අහෝසි කිරීමට එරෙහිව මනූෂ නානායක්කාර සහ හරීන් ප්‍රනාන්දු මහාධිකරණයට පෙත්සමක් ගොනු කළා.
ඒ සමගි ජන බලවේගය ගනු ලැබූ තීරණය බලරහිත කරන ලෙස ඉල්ලමින්.
එම පෙත්සම ත්‍රිපුද්ගල මහාධිකරණ විනිසුරු මඩුල්ලක් හමුවේ අද විභාගයට ගත් අවස්ථාවේදී සමගි ජන බලවේගයේ තීරණය නීත්‍යානුකූල බවට තීන්දු කර අමාත්‍යවරුන් දෙදෙනාගේ පෙත්සම නිෂ්ප්‍රභ කෙරුණා.