යාපනය, අරියාලේ ප්‍රදේශයේදී කේරළ ගංජා කිලෝග්‍රෑම් 156කට වැඩි ප්‍රමාණයක් සමඟ සැකකරුවන් දෙදෙනෙකු පොලීසිය අත්අඩංගුවට ගෙන තිබෙනවා.
යුධ හමුදා බුද්ධි අංශයට ලද තොරතුරක් මත මන්නාරම පොලිස් මත්ද්‍රව්‍ය නාශක අංශයේ නිලධාරීන් විසින් ඉන්දියාවේ සිට රැගෙන ආ කේරළ ගංජා ප්‍රමාණයක් සොයාගෙන තිබේ.
යාපනය සහ කිලිනොච්චි ප්‍රදේශවල පදිංචි 39 සහ 44 හැවිරිදි පුද්ගලයින් දෙදෙනෙකු මෙලෙස අත්අඩංගුවට ගෙන තිබේ.
ඔවුන් සතුව තිබී කේරළ ගංජා කිලෝග්‍රෑම් 156කට අධික ප්‍රමාණයක් අත්අඩංගුවට ගෙන තිබෙනවා.
එහි වටිනාකම රුපියල් මිලියන 42ක් පමණ වන බවයි පොලිස් මත්ද්‍රව්‍ය නාශක අංශය පවසන්නේ.