තණමල්විල දැරිය දූෂණය කිරීමෙ සිද්ධියට අදාළව අත්අඩංගුවට ගත් විදුහල්පති ඇතුළු ගුරුවරුන් ඇප මත මුදා හැර තිබෙනවා.
තණමල්විල ප්‍රදේශයේ ප්‍රසිද්ධ පාසලක ඉගෙනුම ලැබූ දැරියක් දූෂණය කිරීමේ සිද්ධිය පාසල තුළදී වසන් කළ බවට චෝදනා ලැබූ එම පාසලේ විදුහල්පතිවරයා, ගුරුවරියන් දෙදෙනා සහ ගුරුවරයා ඊයේ පස්වරුවේදී තණමල්විල පොලිසිය විසින් අත්අඩංගුවට ගෙන ඇත.
එලෙස අත්අඩංගුවට ගත් ගුරුවරුන් සිව්දෙනා අද දින වැල්ලවාය මහේස්ත්‍රාත් අධිකරණයට ඉදිරිපත් කිරීමෙන් අනතුරුව එක් අයෙකුට රුපියල් ලක්ෂ දෙක බැගින් වූ ශරීර ඇප මත මුදා හැරීමට වැල්ලවාය මහේස්ත්‍රාත්වරයා නියෝග කළා.
මෙම නඩුව මෙම මස 22 වැනිදා යළි කැඳවීමට නියමිතයි.