පොල්ලකින් සහ තියුණු ආයුධයකින් පහර දී පෑලියගොඩ ප්රදේශයේදී පුද්ගලයෙක් ඝාතනය කර තිබෙනවා.
පෑලියගොඩ පොලීසිය පැවසුවේ පෙරේදා (18) පෑලියගොඩ, නාරම්මිණිය ප්රදේශයේදී මෙම සිදුවීම සිදු වී ඇති බවයි.
පහරදීමෙන් බරපතල තුවාල ලැබූ පුද්ගලයා කොළඹ ජාතික රෝහලට ඇතුලත් කර ඇති අතර එහි ප්රතිකාර ලබමින් සිටියදීයි ජීවිතක්ෂයට පත්ව ඇත්තේ.
මෙලෙස ජීවිතක්ෂයට පත්ව ඇත්තේ කැලණිය, නාරම්මණිය ප්රදේශයේ පදිංචි 39 හැවිරිදි අයෙක් බවයි පොලීසිය පැවසුවේ.
පොලිස් විමර්ශනවලදී අනාවරණය වී ඇත්තේ පුද්ගලික ආරවුලක් මත මෙම ඝාතනය සිදු කර ඇති බවයි.
පෑලියගොඩ පොලීසිය වැඩිදුරටත් සඳහන් කළේ අදාළ සිද්ධියට සම්බන්ධ 24 හැවිරිදි කොට්ටුකච්චය ප්රදේශයේදී අත්අඩංගුවට ගත් බවයි.