මහනුවර ශ්‍රී දළදා මාළිගාවේ අවසන් රන්දෝලි මහ පෙරහැර වීදි සංචාරය කරන අවස්ථාවේදී නීතිවිරෝධී ලෙස ඩ්‍රෝන කැමරාවක් ගුවන්ගත කළ පුද්ගලයෙක් අත්අඩංගුවට ගෙන තිබෙනවා.
කෙසේනමුත් අදාළ ඩ්‍රෝන කැමරාව පියාසර කරනු නිරීක්ෂණය වීමෙන් පසු ඩ්‍රෝන ජෑමරය උපයෝගී කර ගනිමින් එය පහත හෙළීමට ගුවන් හමුදාව කටයුතු කර ඇති බවයි පොලීසිය පැවසුවේ.
ගුවන් හමුදා බුද්ධි නිලධාරීන් විසින් සිදුකළ සෝදිසි කිරීමකින් පසු එම ඩ්‍රෝන කැමරාව දළදා මාළිගයට නුදුරින් පිහිටි හෝටල් පරිශ්‍රයක තිබී සොයා ගෙන තිබෙනවා.
එම ස්ථානයෙන් සැක කටයුතු ලෙස ගමන් ගත් මෝටර් රථයක් සම්බන්ධයෙන් ගුවන් හමුදා බුද්ධි නිලධාරීන් මහනුවර පොලීසියට කළ දැනුම්දීමකින් අනතුරුව අදාළ මෝටර් රථය පැදවූ පුද්ගලයා අත්අඩංගුවට ගත් බවයි පොලීසිය පවසන්නේ.