ජනාධිපති ධුර අපේක්ෂකයින් විසින් ලබා දී ඇති ඔවුන්ගේ වත්කම් හා බැරකම් ප්‍රකාශවල පිටපත් ජනතා ප්‍රවේශය සඳහා මුදා හැර තිබෙනවා.
අල්ලස් හෝ දූෂණ විමර්ශන කොමිෂන් සභාව නිවේදනයක් නිකුත් කරමින් පවසන්නේ දූෂණ විරෝධී පනතේ 89 වගන්ති ප්‍රකාරව ජනාධිපති ධුර අපේක්ෂකයින් නාමයෝජනා පත්‍ර සමඟ ඔවුන්ගේ වත්කම් බැරකම් ප්‍රකාශ මැතිවරණ කොමිෂන් සභාව වෙත බාර දී ඇති බවයි.
ඒ අනුව එහි හෙළි නොකළ යුතු බවට දන්වා ඇති තොරතුරු හැර අනෙකුත් තොරතුරු සහිත පිටපත් ජනතා ප්‍රවේශය සඳහා මෙලෙස අල්ලස් හෝ දූෂණ විමර්ශන කොමිෂන් සභාවේ නිල වෙබ් අඩවියට මුදා හැර තිබෙනවා.
