ඉදිරියේදී පැවැත්වෙන පළාත් පාලන මැතිවරණය සඳහා ඩිජිටල් මැතිවරණ ක්‍රමය අත්හදා බැලිය හැකි බව ජනාධිපති රනිල් වික්‍රමසිංහ පවසනවා.
ඊයේ (22) බත්තරමුල්ල වෝටර්ස් එජ් හෝටලයේදී පැවති තොරතුරු තාක්ෂණ වෘත්තීයවේදීන්ගේ හමුවට එක්වෙමින් ජනාධිපතිවරයා මේ බව සඳහන් කළා.
මැතිවරණ ක්‍රමය ඩිජිටල්කරණය කිරීම සඳහා හිටපු අගවිනිසුරු ප්‍රියසාද් ඩෙප් යටතේ පත් කළ කොමිෂන් වාර්තාවේ නිර්දේශ අනුව කටයුතු කිරීමට බලාපොරොත්තු වන බවයි ජනාධිපතිවරයා එහිදී කියා සිටියේ.