පූර්ණ හෝ අර්ධ දෘෂ්‍යාබාධිත තත්ත්වයෙන් පෙළෙන පුද්ගලයින්ට ඡන්ද පත්‍රිකා සලකුණු කර ගැනීම සඳහා ඡන්ද පොළට සහායකයෙකු කැටුව යා හැකිවන පරිදි නීතිමය ප්‍රතිපාදන සලසා තිබෙන බව මැතිවරණ කොමිෂන් සභාව පවසනවා.
නිවේදනයක් නිකුත් කරමින් මැතිවරණ කොමිසම පවසන්නේ එලෙස කැටුව යන සහායකයා වයස අවුරුදු 18 සම්පූර්ණ වී ඇති අයෙකු විය යුතු බවයි.
ඡන්දය සලකුණු කිරීමට යාමේදී ඡන්ද දායකයා සහ සහායකයා ජාතික හැඳුනුම්පත හෝ ඡන්දපොළේදී පිළිගන්නා හැඳුනුම්පතක් රැගෙන යාම අනිවාර්ය වනවා.
එම සහායකයා මෙම ඡන්ද විමසීමේදී යම් අපේක්ෂකයෙකුගේ බලයලත් නියෝජිතයෙකු, ප්‍රාදේශීය නියෝජිතයෙකු හෝ ඡන්දපොළ නියෝජිතයෙක් වශයෙන් කටයුතු නොකරන්නෙක් විය යුතු බවයි එම නිවේදනයේ වැඩිදුරටත් දැක්වෙන්නේ.
