ලබන කන්නයේ දී ගොවීන්ට අවශ්‍ය බණ්ඩි පොහොර නොමිලේ ලබාදෙන බව කෘෂිකර්ම අමාත්‍ය මහින්ද අමරවීර පවසනවා.
අමාත්‍යවරයා මේ බව සඳහන් කළේ අද (28) පෙරවරුවේ තංගල්ලේ දී මාධ්‍යවේදීන් නැගූ ප්‍රශ්නවලට පිළිතුරු ලබාදෙමිනි.
එහිදී වැඩිදුරටත් අදහස් දක්වමින් අමාත්‍යවරයා කියා සිටියේ මෙම තීරණය ගෙන ඇත්තේ භාණ්ඩාගාරය සහ ජාත්‍යන්තර මූල්‍ය අරමුදලේ ගිවිසුම් ප්‍රකාරව බවයි.
කෘෂිකර්ම අමාත්‍යංශය විසින් රබර් වගාව සඳහා ද රුපියල් 4,000ක පොහොර සහනාධාරයක් ලබාදීමට තීරණය කර තිබෙනවා.
එම පොහොර සහනාධාරය මෙම සතියේ සිටම ලබාදීමටයි රජය පියවර ගෙන ඇත්තේ.