කේරළ ගංජා කිලෝග්‍රෑමයක් සමඟ සැකකරුවෙක් කල්පිටිය ප්‍රදේශයේදී ඊයේ (01) අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ 56 හැවිරිදි වියේ පසු වූ කල්පිටිය, සින්නකොඩිරුප්පුව ප්‍රදේශයේ පදිංචිකරුවෙක්.
ශ්‍රී ලංකා නාවික හමුදාව හා පොලීසිය එක්ව කල්පිටිය, කුරිඤ්ඤපිඩ්ඩි සහ සින්නකොඩිරුප්පුව ප්‍රදේශයන්හි සිදුකළ ඒකාබද්ධ සෝදිසි මෙහෙයුමකදීයි මොහු අත්අඩංගුවට ගෙන ඇත්තේ.
එහිදී කේරළ ගංජා කිලෝග්‍රෑමයක් සමඟ සැකකරුවෙක් හා කැබ් රථයක් නාවික හමුදා භාරයට ගෙන තිබෙනවා.
මෙලෙස අත්අඩංගුවට ගෙන ඇති කේරළ ගංජා තොගයේ වටිනාකම රුපියල් ලක්‍ෂ හතරක් පමණ වන බවටයි ගණන් බලා ඇත්තේ.
අත්අඩංගුවට ගත් සැකකරු, කේරළ ගංජා තොගය සහ කැබ් රථය ඉදිරි නීතිමය කටයුතු සඳහා කල්පිටිය පොලිස් ස්ථානය වෙත භාරදී තිබෙනවා.