අරුගම්බේ, උල්ල වෙරළ තීරයේදී අනතුරට පත් විදේශීය ජාතිකයෙකුගේ දිවි බේරා ගැනීමට විශේෂ කාර්ය බලකාය අරුගම්බේ කඳවුරේ ජීවිතාරක්ෂක නිලධාරීන් සමත් වී තිබෙනවා.
උල්ල වෙරළ තීරයේ ජීවිතාරක්ෂක මුරකුටිය ඉදිරිපිට වෙරළේ සිට මීටර් 600 ක් පමණ දුරින් මුහුදේ විනෝද වෙමින් සිටි ඊශ්රායල් ජාතිකයෙකු මෙලෙස ඊයේ (01) අනතුරට පත්ව තිබුණා.
එම අවස්ථාවේදී එම ස්ථානයේ රාජකාරියේ නිරත වී සිටි පොලිස් විශේෂ කාර්ය බලකා ජීවිතාරක්ෂක නිලධාරීන් විසින් මෙම ඊශ්රායෙල් ජාතිකයා ඉන් මුදාගෙන මූලික ප්රතිකාර ලබා දීමෙන් අනතුරුව පිටත් කර යැවීමට කර තිබෙනවා.