චීනයේ ෂැන්ඩොං ප්‍රදේශයේදී පාසල් බස් රථයක් ජනතාව අතරට කඩා වැදීමෙන් සිදු වූ අනතුරකින් පුද්ගලයින් 11 දෙනෙක් ජීවිතක්ෂයට පත්ව තිබෙනවා.
විදෙස් මාධ්‍ය වාර්තා කරන්නේ අද (03) සිදු වූ මෙම අනතුරෙන්
සිසුන් පස් දෙනෙක් ඇතුළු පුද්ගලයින් 11 දෙනෙකු ජීවිතක්ෂයට පත්ව ඇති බවයි.
තායියාන් නගරයේ පාසලක ගේට්ටුවෙන් පිටත සිසුන් සහ දෙමව්පියන් පිරිසක් රැස්ව සිටි අවස්ථාවේදීයි බස් රථය ඔවුන් අතරට කඩා වැදී ඇත්තේ.
රියදුරුට රථය පාලනය කර ගැනීමට නොහැකිව මෙම අනතුර සිදුව ඇති බවයි විදෙස් මාධ්‍ය වාර්තා කරන්නේ.
කෙසේනමුත් අනතුර සම්බන්ධයෙන් බස් රථ රියදුරු අත්අඩංගුවට ගෙන තිබෙනවා.