සැමියා විසින් බිරිඳට පොරවකින් පහර දී ඝාතනය කිරීමේ පුවතක් ගැටහැත්ත ප්‍රදේශයෙන් වාර්තා වනවා.
පොලීසිය පැවසුවේ ඊයේ (02) පස්වරුවේ අවිස්සාවේල්ල, ගැටහැත්ත ප්‍රදේශයේදී මෙම ඝාතනය සිදුව ඇති බවයි.
මොවුන් දෙදෙනා අතර පැවති පවුල් ආරවුලක් දුරදිග ගොස් මෙම ඝාතනය සිදු කරන්නට ඇති බවයි පොලීසිය පවසන්නේ.
මෙලෙස ඝාතනයට ලක්ව ඇත්තේ දිවුරුම්පිටිය, ගැටහැත්ත ප්‍රදේශයේ පදිංචිව සිටි 43 හැවිරිදි කාන්තාවක්.
ඝාතනයට ලක් වූ කාන්තාවගේ මෘත ශරීරය අවිස්සාවේල්ල රෝහලේ මෘත ශරීරාගාරයේ තැන්පත් කර තිබෙනවා.
සිද්ධිය සම්බන්ධයෙන් පොලීසිය විසින් සැකකාර සැමියා අත්අඩංගුවට ගෙන තිබෙනවා.