පෞද්ගලික ආයතනයක සේවක සේවිකාවන් 43 දෙනෙකු හදිසියේම රෝහල්ගත කර තිබෙනවා.
ඒ ආහාර විෂ වීම හේතුවෙන්.
වටරැක ප්රදේශයේ පිහිටි විදුලි උපකරණ නිෂ්පාදන ආයතනයක සේවය කළ සේවක සේවිකාවන් පිරිසක් ආහාර විෂ වීම හේතුවෙන් හෝමාගම මූලික රෝහලට ඇතුළත් කළ බවයි මීගොඩ පොලිසිය පැවසුවේ.
අවුරුදු 20 – 40 අතර වයසේ පසු වන කාන්තාවන් 25 දෙනෙකු හා පිරිමි පුද්ගලයින් 18 දෙනෙකුයි මෙලෙස රෝහල්ගත කර ඇත්තේ.
මොවුන් අද (04) උදෑසන එම කර්මාන්තශාලාවේ ආපනශාලාවෙන් උදෑසන ආහාරය ලබාගෙන ඇති අතර ඉන් ටික වේලාවකට පසු ඔවුන්ට වමනය, ක්ලාන්තය සහ උදරයේ වේදනාව වැනි රෝග ලක්ෂණ හටගෙන තිබෙනවා.