රජයේ සේවකයින් සඳහා නව චක්‍රලේඛයක් නිකුත් කර තිබෙනවා.
රාජ්‍ය සේවා කොමිෂන් සභාව විසිනුයි මෙම නව චක්‍රලේඛය නිකුත් කර ඇත්තේ.
ඒ අනුව රජයේ සේවකයින් දින 5කට වැඩි කාලයක් නොදන්වා සේවයට වාර්තා නොකළ හොත් එම දින 5ට පසුව එළැඹෙන පළමු දින 5 තුළ සේවය හැරයාමේ නිවේදන නිකුත් කළ යුතු වනවා.
සියලු අමාත්‍යංශ ලේකම්වරුන් සහ දෙපාර්තමේන්තු ප්‍රධානීන් වෙත චක්‍රලේඛයක් මඟින් මේ පිළිබඳ දැනුම් දී ඇති බවයි රාජ්‍ය සේවා කොමිෂන් සභාව පවසන්නේ.