ආසියානු සංවර්ධන බැංකුවෙන් ඇමෙරිකා ඩොලර් මිලියන 200 ක ණය මුදල ලබා ගැනීම සඳහා කැබිනට් අනුමැතිය ලැබී තිබෙනවා.
ජල සම්පාදන හා සනීපාරක්‍ෂක ප්‍රතිසංස්කරණ වැඩසටහන ක්‍රියාත්මක කිරීම සඳහායි මෙලෙස ණය ලබා ගැනීමට අනුමැතිය හිමිව ඇත්තේ.
මෙම ව්‍යාපෘතිය යටතේ ඇමෙරිකානු ඩොලර් මිලියන 100 බැගින් උප ව්‍යාපෘති 02ක් ක්‍රියාත්මක කිරීමට යෝජිතය.
එහි පළමු ව්‍යාපෘතිය වන ‘ජල සම්පාදන මෙහෙයුම්වල දේශගුණයට ඔරොත්තු දීම, සියලු පාර්ශවකරුවන් ඒකාබද්ධ කිරීම සහ පාරිසරික තිරසාරභාවය ශක්තිමත් කිරීම’ සඳහා ඇමරිකානු ඩොලර් මිලියන 100 ක ණයක් ලබාගැනීම සඳහා සාකච්ඡා අවසන් කර තිබෙනවා.
ඒ අනුව මුදල්, ආර්ථික ස්ථාවරත්ව සහ ජාතික ප්‍රතිපත්ති අමාත්‍යවරයා ලෙස ජනාධිපතිවරයා ඉදිරිපත් කළ යෝජනාවට මෙලෙස අමාත්‍ය මණ්ඩල අනුමැතිය හිමිව තිබෙනවා.