පාදුක්ක – වටරැක ප්‍රදේශයේදී සිදු වූ මාරක රිය අනතුරකින් කාන්තාවක් ජීවිතක්ෂයට පත්ව තිබෙනවා.
පොලීසිය පැවසුවේ බස් රථයක් හා ත්‍රීරෝද රථයක් එකිනෙක ගැටීමෙන් මෙම අනතුර සිදුව ඇති බවයි.
මාර්ගයේ ධාවනය වෙමින් තිබූ ත්‍රීරෝද රථයක් අපරික්ෂාකාරීව මාර්ගය හරහා දැමීමට උත්සාහ කළ විට දී පසුපසින් ආ බස් රථය ත්‍රීරෝද රියෙහි ගැටීමෙන් මෙම අනතුර සිදුව ඇති බවයි පොලීසිය පැවසුවේ.
බස් රථයේ ගැටුණු ත්‍රීරෝද රථය කෙටි දුරක් පෙරළී ගොස් ඇති අතර
එම අවස්ථාවේදී ත්‍රීරෝද රියෙහි පසුපස ආසනයේ ගමන් ගත් කාන්තාව බරපතළ තුවාල ලබා රෝහල්ගත කර ඇති බවයි වාර්තා වන්නේ.
කෙසේනමුත් ඇය රෝහල්ගත කරන විටත් ජීවිතක්ෂයට පත් ව සිටි බවයි වෛද්‍යවරුන් පවසන්නේ.
මෙලෙස ජීවිතක්ෂයට පත්ව ඇත්තේ 61 හැවිරිදි පාදුක්ක ප්‍රදේශයේම පදිංචි කාන්තාවක් වන අතර ත්‍රීරෝද රථයේ සහ බස් රථයේ ද රියදුරන් දෙදෙනාටද ඉන් තුවාල සිදු වී තිබෙනවා.