නිවැසියන් බියවද්දා මුදල් සොරාගත් පොලිස් නිලධාරීන් 04 දෙනෙකු අත්අඩංගුවට ගෙන තිබෙනවා.
මෝදර පොලීසිය පැවසුවේ කොළඹ 15 ප්‍රදේශයේ නිවසකින් රුපියල් ලක්ෂ 14ක මුදලක් කොල්ල කෑ සිද්ධියක් සම්බන්ධයෙන් මොවුන් සිවුදෙනා අත්අඩංගුවට ගත් බවයි.
මෙලෙස අත්අඩංගුවට ගෙන ඇත්තේ බ්ලූමැන්ඩල් පොලීසියට අනුයුක්තව සේවය කරන පොලිස් කොස්තාපල්වරුන් දෙදෙනෙක්, පොලිස් සැරයන්වරයෙක් සහ කොළඹ උතුර බුද්ධි කොට්ඨාසයේ නිලධාරියෙක් බවයි වාර්තා වන්නේ.