ශ්රී ලංකා පොදුජන පෙරමුණේ නිර්මාතෘ බැසිල් රාජපක්ෂ අද (20) අලුයම දිවයිනෙන් පිටව ගොස් තිබෙනවා.
ගුවන්තොටුපොළ අප වාර්තාකරු පැවසුවේ බැසිල් රාජපක්ෂ අද (20) අලුයම කටුනායක ගුවන්තොටුපොළ හරහා ඩුබායි රාජ්යය වෙත පිටත්ව ගිය බවයි.
බැසිල් රාජපක්ෂ අද අලුයම 03.05 ට එමිරේට්ස් ගුවන් සේවයේ ඊ.කේ.- 649 දරන ගුවන් යානයෙන් ඩුබායි වෙත පිටත්ව ගොස් තිබෙනවා.
මෙම ගුවන් යානය වෙත පිවිසීම සඳහා ඔහු ඇමෙරිකානු ඩොලර් 206 ක මුදලක් ගෙවා කටුනායක ගුවන් තොටුපොළ තුළ පිහිටි ‘රන් මාවත’ (Gold Route) පර්යන්තයේ පහසුකම ලබාගෙන ඇති බවයි වාර්තා වන්නේ.
බැසිල් රාජපක්ෂ ඩුබායි නුවර වෙත ගොස් එතැන් සිට ඇමෙරිකාව බලා පිටත්ව යෑමට නියමිතව තිබෙනවා.