ජනාධිපති අනුර කුමාර දිසානායක සිව් දින නිල සංචාරයක් සඳහා චීන රාජ්‍යය වෙත ගොස් එම සංචාරය නිමවා දිවයිනට පැමිණි බව අප ගුවන්තොටුපළ වාර්තාකරු සඳහන් කරයි.
ජනාධිපතිවරයා මෙම සංචාරය සඳහා දිවයිනෙන් පිටත්ව ගියේ පසුගිය 14 වැනි දිනය.
අද පෙරවරුවේදී ජනාධිපති අනුර කුමාර දිසානායක සහ චීන කොමියුනිස්ට් පක්ෂයේ සිචුවාන් පළාතේ ලේකම් වං ෂියාඕහ්වෙයි අතර සාකච්ඡාවක් පැවැත්විණි.
ජනාධිපතිවරයා එදින එරට ආර්ථික වශයෙන් වැදගත් ස්ථාන කිහිපයක නිරීක්ෂණ චාරිකාවල නිරත විය.
සංචාරයේ අවසන් දිනයේදී, ජනාධිපතිවරයා චීනයේ සිචුවාන් හි චෙන්ග්ඩු ප්‍රදේශයේ පිහිටි ඩොංෆැන්ග් විදුලි සංස්ථාව, බිම් මට්ටමේ තිරසාර සංවර්ධනය තුළින් ග්‍රාමීය පුනර්ජීවනය නිරූපණය කරන ෂැන් කි ආදර්ශ ගම්මානය සහ ජාතික විද්‍යා, තාක්ෂණ හා කෘෂිකර්ම මධ්‍යස්ථානය නැරඹීමේ නිරීක්ෂණ චාරිකාවක නිරත විය.