අභාවප්‍රාප්ත ජ්‍යෙෂ්ඨ මාධ්‍යවේදී වික්ටර් අයිවන් මහතාගේ දේහය පිළිබඳ අවසන් කටයුතු අද (20) සිදුකිරීමට නියමිතයි.
කලක් අසනීපව සිටි ඒ මහතා ඊයේ (19) මියයන විට 75 වන වියෙහි පසුවුණා.
වික්ටර් අයිවන් මහතා සමාජ, ආර්ථික, දේශපාලන හා සංස්කෘතික ක්ෂේත්‍ර සම්බන්ධයෙන් විශේෂ මැදිහත්වීමක් සිදුකළ මාධ්‍යවේදියෙකු වනවා.
රාවය පුවත්පතේ ආරම්භක කතෘවරයා ද වන්නේ වික්ටර් අයිවන් මහතායි.
දේශපාලන ඇතුළු විවිධ ක්ෂේත්‍ර සම්බන්ධයෙන් ඒ මහතා කෘති විශාල සංඛ්‍යාවක් රචනා කර තිබෙනවා.
නොනිමි අරගලය, චෞර රැජිණ, දේශපාලනයේ පවුල හා කුලකය ඔහු රචනා කළ කෘති අතරින් කීපයක්.
වික්ටර් අයිවන් මහතාගේ ඉල්ලීම මත ඔහුගේ අවසන් කටයුතු පැය 24ක් තුළ සිදුකිරීමට නියමිත අතර ඒ අනුව අවසන් කටයුතු ගාල්ලේ දී අද (20) සිදු කෙරෙනවා.