24 C
Colombo
Saturday, April 5, 2025

― political ―

ජාතික ජන බලවේගයේ පක්ෂ නායකයින් අද මැතිවරණ කොමිසම හමුවට

ජාතික ජන බලවේගයේ පක්ෂ ලේකම් වෛද්‍ය නිහාල් අබේසිංහ මහතා ඇතුළු පක්ෂ නායකයින් පිරිසක් අද (19) මැතිවරණ කොමිසම හමුවීමට නියමිතය. පළාත් පාලන මැතිවරණ පැවැත්වීමේ සුදානම...
HomeHot Newsඅස්වැසුම දෙවැනි අදියරට අයදුම්පත් 761,000ක්

අස්වැසුම දෙවැනි අදියරට අයදුම්පත් 761,000ක්

සමාජ සුභසාධක කොමසාරිස් ජයන්ත විජේරත්න මහතා පවසන පරිදි, අස්වැසුම සුභසාධක ප්‍රතිලාභ වැඩසටහනේ දෙවැනි අදියර සඳහා මේ වන විට අයදුම්පත් 761,000කට ආසන්න ප්‍රමාණයක් ලැබී තිබේ.
සමාජ සුභසාධක මණ්ඩලය විසින් අස්වැසුම සුභසාධක ප්‍රතිලාභ ලැබීමට සුදුසුකම් ඇති පවුල් හඳුනාගැනීම සඳහා තොරතුරු එක් රැස් කිරීමේ වැඩසටහන ඊයේ (21) සිට දීප ව්‍යාප්තව ආරම්භ කර ඇත.
සෑම ග්‍රාම නිලධාරී වසමකටම රජයේ ක්ෂේත්‍ර නිලධාරියකු ප්‍රාදේශීය ලේකම්වරයා විසින් පත් කර ඇති අතර, ජංගම මෘදුකාංගයක් මඟින් තොරතුරු එක් රැස් කිරීම සිදු කෙරේ. මෙහිදී පවුලේ ආදායම හා වියදම, පවුලේ යැපෙන්නන් ගණන, සාමාජිකයන්ගේ අධ්‍යාපන තත්ත්වය, නිවෙසේ තත්ත්වය ඇතුළු මානයන් 6ක් ඔස්සේ තොරතුරු රැස් කෙරේ.
සියලුම අයදුම්කරුවන්ට කිව්.ආර්. කේතයක් සහිත රිසිට්පතක් ලබා දෙන අතර, තොරතුරු එක් රැස් කිරීම අවසානයේ එම රිසිට් පත නිලධාරියාගෙන් ලබා ගැනීමට අයදුම්කරු කටයුතු කළ යුතුය.
තොරතුරු රැස්කරන නිලධාරියා කෙටි පණිවුඩයක් මඟින් තම පැමිණීම දැනුම් දෙන අතර, අදාළ පවුල විසින් අවශ්‍ය තොරතුරු සැපයීමට සූදානම් විය යුතු බව සමාජ සුභසාධක මණ්ඩලය පවසයි.
සුභසාධක ප්‍රතිලාභ මණ්ඩලය විසින් තාක්ෂණික සහ මෙහෙයුම් මැදිරියක් ස්ථාපිත කර ඇති අතර, වැඩසටහන හා සම්බන්ධ සියලු දෙනාට මාර්ගගත ක්‍රමය ඔස්සේ එයට සම්බන්ධ විය හැකිය. අයදුම්කරුවන්ට 0763662294 දුරකතන අංකය ඔස්සේ මෙම මැදිරිය ඇමතිය හැකිය.
වැඩි විස්තර සඳහා සුභසාධක මණ්ඩලයේ 1924 ක්ෂණික ඇමැතුම් අංකය අමතන්න. සංගණන වැඩසටහන ජනවාරි 31 වැනිදා අවසන් වේ.
සමාජ සුභසාධක කොමසාරිස් ජයන්ත විජේරත්න මහතා සඳහන් කරන පරිදි, අස්වැසුම 1 වැඩසටහන යටතේ ඉදිරිපත් කළ දුක්ගැනවිලි හා අභියාචනා විභාග කිරීම මෙම සංගණනයෙන් පසු සිදු කෙරෙනු ඇත. මෙම දුක්ගැනවිලි හා අභියාචනා විභාග කිරීම ප්‍රාදේශීය ලේකම් කොට්ඨාස මට්ටමින් පිහිටුවා ඇති දුක්ගැනවිලි කමිටු මඟින් සිදු කරනු ලැබේ.