හිටපු ජනාධිපති මහින්ද රාජපක්ෂගේ දෙවැනි පුත් යෝෂිත රාජපක්ෂ මේ වන විට රක්ෂිත බන්ධනාගාර ගතව සිටින අතර, ඔහු අද (27) දින අධිකරණය හමුවට ඉදිරිපත් කිරීමට නියමිතය.
නීති විරෝධී ලෙස උපයා ගත් බවට චෝදනා ලැබූ මුදල් යොදවා දෙහිවල ප්රදේශයේ නිවසක් හා ඉඩමක් මිලදී ගැනීම සම්බන්ධයෙන් පෙරේදා (25) දින අපරාධ පරීක්ෂණ දෙපාර්තමේන්තුව විසින් ඔහු අත්අඩංගුවට ගනු ලැබීය.
දක්ෂිණ අධිවේගී මාර්ගයේ බෙලිඅත්ත පිවිසුමේදී අපරාධ පරීක්ෂණ දෙපාර්තමේන්තු නිලධාරීන් විසින් ඔහු අත්අඩංගුවට ගෙන කොළඹ අපරාධ පරීක්ෂණ දෙපාර්තමේන්තුව වෙත රැගෙන එනු ලැබීය.
පැය තුනක පමණ කාලයක් ඔහුගෙන් ප්රකාශ සටහන් කර ගැනීමෙන් අනතුරුව, එදින සවස අලුත්කඩේ අතිරේක මහේස්ත්රාත්වරිය හමුවට ඉදිරිපත් කරන ලදී.
මහේස්ත්රාත්වරිය විසින් ඔහු අද (27) දින දක්වා රක්ෂිත බන්ධනාගාර ගත කිරීමට නියෝග කළ අතර, එදිනම අධිකරණය හමුවට නැවත ඉදිරිපත් කරන ලෙස ද නියෝග කරන ලදී.
මෙලෙස රක්ෂිත බන්ධනාගාර ගත කෙරුණු ඔහු වැලිකඩ රිමාන්ඩ් බන්ධනාගාරයේ සාමාන්ය වාට්ටුවක රඳවා තැබීමට කටයුතු කර තිබිණි.
යෝෂිත අද උසාවියට
