ආරක්ෂක අමාත්‍යාංශය ජනාධිපතිවරයාගේ යාපනය සංචාරය පිළිබඳ නිවේදනයක් නිකුත් කරයි
ජනාධිපති අනුර කුමාර දිසානායක මහතා යාපනය සංචාරය සඳහා ගුවන් හමුදා යානා තුනක් යොදාගත් බවට පැතිර යන කතාව සම්පූර්ණයෙන්ම අසත්‍ය බව ආරක්ෂක අමාත්‍යාංශය ප්‍රකාශ කර සිටියි.
අමාත්‍යාංශය නිකුත් කළ විශේෂ නිවේදනයක දැක්වෙන්නේ ජනාධිපතිවරයා පසුගිය 31 වැනි දින සිදුකළ යාපනය සංචාරය සඳහා ශ්‍රී ලංකා ගුවන් හමුදාවේ කිසිදු යානයක් භාවිතා නොකළ බවයි. ඒ වෙනුවට එතුමා තම නිල මෝටර් රථයෙන් එම සංචාරය සිදු කළ බව නිවේදනයේ සඳහන් කර තිබේ.
