ජාතික ජල සම්පාදන හා ජලාපවහන මණ්ඩලය විසින් ජල ගාස්තුව සියයට 10 සිට 30 දක්වා ප්‍රමාණයකින් අඩු කිරීමට සැලසුම් කර ඇත.
මේ සඳහා විශේෂ කමිටුවක් පත්කර ඇති අතර, එම කමිටු වාර්තාව ඉදිරි දින කිහිපය තුළ ජල සම්පාදන මණ්ඩලයේ සභාපතිවරයා වෙත භාරදීමට නියමිතය.
සභාපතිවරයා විසින් එම වාර්තාව විෂයභාර අමාත්‍යවරයාට යොමු කිරීමෙන් අනතුරුව, අදාළ යෝජනා අමාත්‍ය මණ්ඩල අනුමැතිය සඳහා ඉදිරිපත් කෙරෙනු ඇත.
මෑතකදී සිදු වූ විදුලි බිල්පත් අඩුවීමත් සමඟ ජල ගාස්තු අඩු කිරීම සඳහා ද පියවර ගැනීමට මණ්ඩලය තීරණය කර ඇති බව එහි ප්‍රකාශකයෙකු සඳහන් කළේය.