මාර්ගගත ක්‍රමවල සුරක්ෂිතතාව පිළිබඳ පනතට නව සංශෝධන කිහිපයක් ගෙන ඒමට වත්මන් රජය තීරණ කර ඇතැයි නීතිපතිවරයා ශ්‍රේෂ්ඨාධිකරණය දැනුම් දී තිබෙනවා.
පසුගිය රජය සමයේ මාර්ගගත ක්‍රමවල සුරක්ෂිතතාව පිළිබඳ පනත සම්මත කළ ආකාරය නීතියට පටහැනි බවට ඉදිරිපත් කළ මූලික අයිතිවාසිකම් පෙත්සම් 4ක් අද (05) කැඳවූවා.
එහිදී නීතිපතිවරයා වෙනුවෙන් පෙනී සිටි සොලිසිටර් ජනරාල්වරයායි මේ බව දැනුම් දුන්නේ.
ට්‍රාන්ස්පේරන්සි ඉන්ටර්නැෂනල් ශ්‍රී ලංකා ආයතනය ඇතුලු පාර්ශව කිහිපයක් මෙම පෙත්සම් ඉදිරිපත් කර තිබුණා.