නෙලුම්වැව ප්‍රදේශයේ නිවසක අනවසරයෙන් ඇද තිබූ විදුලි රැහැනක ගැටීමෙන් පුද්ගලයෙකු මරණයට පත්ව ඇති බව පොලිසිය පවසයි.
මියගිය තැනැත්තා වයස අවුරුදු 31ක් වූ නෙලුම්වැව, සමගිපුර ප්‍රදේශයේ පදිංචිකරුවෙකි. ඔහු රෝගාතුරව සිටි සිය මවට දිවා ආහාරය ගෙන යමින් සිටි අවස්ථාවේ මෙම අනතුර සිදුව තිබේ. සුනඛයින් නිවසට ඇතුළුවීම වැළැක්වීමට ඔහුගේ පියා විසින් අනවසරයෙන් අදින ලද විදුලි රැහැනක ගැටීමෙන් මෙම මරණය සිදුව ඇති බව මූලික විමර්ශනවලින් හෙළි වී තිබේ.
මෘත දේහය ඇඹිලිපිටිය රෝහලේ මෘත ශරීරාගාරයේ තැන්පත් කර ඇති අතර, සෙවනගල පොලිසිය සිද්ධිය සම්බන්ධයෙන් වැඩිදුර පරීක්ෂණ පවත්වයි.