කටුනායක ගුවන් තොටුපොළ පැමිණීමේ පර්යන්තයේ, ගමන් මලු පර්යන්තය අසල මිලිමීටර් 09 වර්ගයේ ජීව උණ්ඩයකට සමාන උණ්ඩයක් වැටී තිබියදී සොයාගෙන ඇත. මෙම උණ්ඩය ශ්‍රී ලංකා භූමි සහායක සේවිකාවක විසින් සොයාගෙන, වැඩිදුර විමර්ශන සඳහා ගුවන් තොටුපොළ පොලීසියට අද (10) දින අලුයම භාර දී ඇත.
මෙම උණ්ඩය දැනට කටුනායක ගුවන්තොටුපොළ පොලීසිය වෙත භාර දී ඇති අතර, එය සොයාගත් ශ්‍රී ලංකා භූමි සහායක සේවිකාවගෙන් ද පොලීසිය විසින් ප්‍රකාශයක් සටහන් කර ගෙන තිබේ. වැඩිදුර විමර්ශන සඳහා මෙම උණ්ඩය රසායනික පරීක්ෂකවරයා වෙත යොමු කිරීමට කටුනායක ගුවන්තොටුපොළ පොලීසිය පියවර ගෙන ඇත.