වී සහතික මිල සැකසීම සඳහා රජය පත් කළ කමිටුවේ මිල නිර්ණය කිරීම් වැරදි බව පොළොන්නරුව හිටපු කෘෂිකර්ම අධ්යක්ෂ ආර්.ජී. උපාලි මහතා පැවසීය.
මේ හේතුවෙන් රටත්, ගොවියා සහ පාරිභෝගිකයාත් විශාල අපහසුතාවකට පත්ව ඇතැයි ඊයේ (10දා) මාධ්ය වෙත අදහස් දක්වමින් ඒ මහතා කියා සිටියේය.
“වී සහතික මිල නියම කිරීම සඳහා පත්කළ කමිටුවේ අය ගන්න නිර්ණායක නිවැරදි නැහැ. රජයට නිවැරදි තොරතුරු ලබාදීමට ඔවුන් අපොහොසත් වුණා. ඔවුන් ලබාදුන් තොරතුරු නිවැරදි නොවූ නිසා වී මිලදී ගැනීමේ සැලසුම් අසාර්ථක වුණා. ඒ හේතුවෙන් අද ගොවියෝ රජයට වී ලබාදීම ප්රතික්ෂේප කර තිබෙනවා” යැයිද ඒ මහතා වැඩිදුරටත් පැවසීය.