මෙවර අයවැයෙන් අයවැයක් යනු කුමක්දැයි රටටත් පාර්ලිමේන්තුවටත් දැනුනු බව නියෝජ්‍ය ඇමති නලින් හේවගේ මහතා සඳහන් කරයි.
විකිණීමක්, හිඟාකෑමක් හෝ ණය ගැනීමක් ගැන මෙවර අයවැයේ කිසිදු තැනක සඳහන් නොවන බවද ඔහු පැවසීය.
ජනතාවට ආදායම් ලබාගත හැකි ආයෝජනයක් මෙන්ම රටට ස්වයං ආදායම් උත්පාදන මාර්ගයක් ලෙස මෙවර අයවැය සැලකිය හැකි බවත් ඔහු කියා සිටියි.
මෙරට දෙකෝටි විසි ලක්ෂයක් වූ ජනතාවට මුවගට සිනහ කැන්දන සතුට දනවන අයවැයක් මෙය බවද, විපක්‍ෂය පරවුණු මල් ආකාරයට මැලවී ගොස් ඇති බවද ඔහු කියා සිටියේය.
අයවැය සම්බන්ධයෙන් මාධ්‍යවේදීන් වෙත අදහස් දක්වමින් ඔහු මෙසේ ප්‍රකාශ කළේය.