ජාතික ජල සම්පාදන හා ජලාපවහන මණ්ඩලය නිකුත් කළ නිවේදනයකට අනුව, වත්මන් කාලගුණික තත්ත්වය හේතුවෙන් ජල සැපයුමට බාධා ඇතිවීමේ අවදානමක් පවතී.
නිවේදනයේ වැඩිදුරටත් සඳහන් වන්නේ, පවතින අධික වියළි කාලගුණික තත්ත්වය හේතුවෙන් ජල මූලාශ්‍රයන්හි ජල මට්ටම සීඝ්‍රයෙන් පහළ යමින් පවතින බවයි. මීට අමතරව, උෂ්ණාධික තත්ත්වය හේතුවෙන් ජනතාවගේ ජල පරිභෝජනය ඉතා ඉහළ මට්ටමක පවතී.
මේ හේතුවෙන්, වාහන සේදීම හා ගෙවතු වගාව වැනි කටයුතු සඳහා ජලය භාවිතා කිරීම අවම කර, අත්‍යවශ්‍ය දෛනික කටයුතු සඳහා පමණක් ජලය භාවිත කරන ලෙස මණ්ඩලය ජනතාවගෙන් ඉල්ලා සිටී.