ගනේමුල්ල සංජීව නමැති පාතාල කල්ලි නායකයා ඝාතනයේ ප්‍රධාන සැකකරු ව අද (19) පස්වරුවේ පොලිස් විශේෂ කාර්‍යය බලකාය විසින් අත් අඩංගුවට ගෙන තිබෙනවා.
මෙම සැකකරු අත් අඩංගුවට ගෙන ඇත්තේ පුත්තලම – පාලවිය ප්‍රදේශයේ දියි.
එමෙන්ම මෙම සැකකරුට ගිනි අවිය ලබා දී අපරාධය සිදු කිරීමට ආධාර අනුබල දුන් කාන්තාව මීගමුව ප්‍රදේශයෙන් අදාළ ගිනි අවිය ගෙන ආ බවත් ඇය මීගමුව ප්‍රදේශයේ මත්ද්‍රව්‍ය ජාවාරම්වලට සම්බන්ධ අයෙක් බවත් හෙළි ව තිබෙනවා.
එමෙන්ම මෙම අපරාධයේ වෙඩික්කරු ලෙස කටයුතු කළ ප්‍රධාන සැකකාර පුද්ගලයා මීට පෙර දිනෙක දෙහිවල – වටරප්පල ප්‍රදේශයේ පුද්ගලයින් දෙදෙනකුට වෙඩි තැබූ වෙඩික්කරු බවට ද හඳුනාගෙන තිබෙන බවයි පොලිස් මාධ්‍ය ප්‍රාකාශකවරයා සඳහන් කළේ